Claiming ပြောဆိုခံရခြင်းနှင့် ဂျပန်တို့ရဲ့ ဖြေရှင်းနည်း

【Unicode】Zawgyi Font ျဖင့္ ဖတ္ရန္(စာေပၚႏွိပ္ပါ)

■Ever Smile

ကျနော်ဒီတစ်ခါပြောချင်တာကတော့ クレーム လို့ခေါ်တဲ့ မကျေနပ်ကြောင်း အပြစ်တင်ပြောဆိုခြင်း၊ ပြဿနာပေါ်ပေါက်ခြင်းအကြောင်း

Ⅰ.クレームဆိုတာက

မိမိလုပ်ငန်းအပေါ်တွင် မကျေနပ်ချက်တစ်စုံတစ်ရာရှိသောဧည့်သည်မှ (သို့) ဧည့်သည် ပတ်ဝန်းကျင်မှ မိမိတို့လုပ်ငန်းအပေါ်မကျေနပ်သည့်ကိစ္စကို ဖုန်းဖြင့်ဖြစ်စေ၊ စာဖြင့်ဖြစ်စေ၊လူကိုယ်တိုင်လာရောက်၍ဖြစ်စေ ပြောဆိုတာ ဖြစ်ပါတယ်။

クレーム သည် အများအားဖြင့် ဧည့်သည်နှင့်တိုက်ရိုက်ထိတွေ့ရသောလုပ်ငန်းများတွင် အဖြစ်များပါတယ်။
ဂျပန်မှာ အချိန်ပိုင်းအလုပ်၊ကုမ္ပဏီ ဝင်နေတဲ့ သူငယ်ချင်းတို့လည်း ဧည့်သည်ထံမှ မကျေနပ်ကြောင်း ပြောခံရတာ ကြုံဖူးမယ်လို့ ထင်ပါတယ်။။ အကယ်၍ クレームလာရောက်အပြောခံရပါက မည်သို့တုန့်ပြန်ဖြစ်မည်ဟုစဉ်းစားထားပါသနည်း။

ဂျပန်တွေဟာ မိမိတို့လုပ်ငန်းရဲ့ ဝန်ဆောင်မှုမှာ ပြဿနာပေါ်လာတဲ့အခါ customer firstအနေနှင့် ဖြေရှင်းကြပါတယ်။

အကယ်၍ဧည့်သည်မှသင့်ထံသို့クレーム ပြောလာမည်ဆိုပါက

Ⅱ.လုပ်ဆောင်ရမည့် အဓိကအချက် ၃ချက်

(1) အပြုအမူနှင့် စကားအသုံးအနှုန်း သတိ

ဂျပန်လူမျိုးတို့သည် クレーム ဖြစ်ပေါ်လာပါက ဧည့်သည်ကျေနပ်တဲ့အထိအလေးအနက်တောင်းပန်လေ့ရှိပါတယ်။

နားလည်လွယ်အောင်ဥပမာအားဖြင့် ၂၄နာရီဆိုင်တွင်ကြုံတွေရနိုင်သော クレーム လေးတစ်ခုလောက်ပြောပြပါရစေ။
ထမင်းဗူးလာဝယ်သောဧည့်သည်က မိမိဝယ်ယူခဲ့သော ထမင်းဗူးထဲတွင် ဆံပင်ပါနေသဖြင့် ဆိုင်သို့ယူလာပြသည် ဖြစ်စေ၊ ဖုန်းဖြင့်အကြောင်းကြားသည်ဖြစ်စေ သင်ပထမဦးဆုံး လုပ်ရမည့်အလုပ်မှာ တောင်းပန်ရမည်ဖြစ်ပါသည်။

“申し訳ございません”
“moushi wake gozai masen”

(တောင်းပန်ပါတယ်)

– အပြုအမှု

နံပါတ်တစ်ရေးအကြီးဆုံးမှာ တောင်းပန်သောသူ၏ အမူအရာဖြစ်ပါတယ်။ တောင်းပန်သောအခါတွင်လည်း တက်ကြွနေသော အသံမျိုးမဟုတ်ဘဲ မိမိအသံကို နှိမ့်ချပြီးတော့မှ တကယ့်ကို တောင်းပန်သည့်အမူအရာဖြင့် ကိုယ်ရောစိတ်ပါ နှစ်၍ ဧည့်သည်ကို တောင်းပန်ရပါမည်။

クレーム ပေါ်ပေါက်လာသည့်အချိန်အခါနှင့် အခြေအနေကို ကြည့်၍ မိမိနှင့် မဖြေရှင်းနိုင်လျှင်၊မတတ်နိုင်လျှင် အရင်ဦးဆုံးတောင်းပန်ပြီးမှ ဆိုင်ရှိတာဝန်ရှိသူရှိပါက တွေ့ပေး၍ သေသေချာချာတောင်းပန်ရပါတယ်။

– စကားလုံးအသုံးအနှုန်း

ဧည့်သည်ကိုတောင်းပန်သည့်အခါတွင် စကားလုံးအသုံးအနှုန်းသည် အလွန်အရေးကြီးပါတယ်။ ကျတော်တို့လို နိုင်ငံခြားသားတွေအတွက်ကတော့ စကားလုံးက အင်မတန်အခက်ခဲဖြစ်စေပါတယ်။

●တစ်ခါတရံ မိမိက တောင်းပန်နေပေမယ့်၊ မိမိသုံးနှုန်းလိုက်သော ဂျပန်စကားကြောင့် ဧည့်သည်ဘက်မှ ပိုမိုဒေါသထွက်တတ်သည်များလည်းရှိပါတယ်။

လောကကြီးတွင် လူအမျိုးမျိုးစိတ်အထွေထွေရှိသည်မဟုတ်လား။

⇒နိုင်ငံခြားသားမို့ နားလည်ပေးသောဧည့်သည်ရှိသလို အပြစ်မည်သော ဧည့်သည်များလည်း ရှိကြပါတယ်။

(2) Customer is always True ဆိုတာ သတိ

တစ်ခါတရံ ကိုယ်တိုင်လည်းကြုံတွေ့ဖူးနိုင်ပါလိမ့်မယ်။ クレーム ပြောရင်း ပိုက်ဆံပြန်အမ်း သို့ အစားထိုးပြန်ပေးသည်ကို အခွင့်ကောင်းယူလေ့ရှိသော ဧည့်သည်များလည်း ရှိကြပါတယ်။

●နမူနာအားဖြင့်
ထမင်းဗူးထဲမှာ ဆံပင်ပါတယ်လို့ လာပြသော ထမင်းဗူးက ကုန်သလောက်အထိ စားထားသည် ဆိုပါစို့။
သင်က ဒါကိုကြည့်ပြီး ဧည့်သည်အား သိပ်မတောင်းပန်ချင်သည့်အမူအရာ လုပ်ခွင့်မရှိပါ။
မည်သူမှားနေသည်ဖြစ်စေ ဧည့်သည်သည်အမြဲမှန်သည်ဟူသော စကားကို မမေ့ပါရန် သတိပေးအပ်ပါတယ်။

သို့သော်လည်း ဧည့်သည်က အပြစ်ပြောလို့

●”မိမိတို့က မှားပါသည်”ဟု မဆင်မခြင်ပြောခွင့် မရှိပါ။
●အရင်ဦးဆုံး”တောင်းပန်ပါတယ်”ဟုပြီးမှ ဧည့်သည်ကို
●”ခဏစောင့်ပေးပါ စစ်ဆေးလိုက်ပါဦးမည်” သို့
●”မိမိအထက်လူကြီးကို သွားခေါ်လိုက်ပါဦးမည်” ဟုပြောကာ စောင့်ခိုင်းပေးပါရန်။
⇒⇒မိမိနှုတ်မှ အလွယ်တကူဝန်ခံခြင်းသည် မိမိအလုပ်လုပ်နေသော လုပ်ငန်းအတွက် အလွန်ကြီးမားသော အမှားလည်းဖြစ်သွားနိုင်သည့်အတွက် အထူးသတိရှိပါရန် သတိပေးပါရစေနော်။

(3) မိမိမတတ်နိုင်ပါက ဂျပန်လူမျိုးကို ဖြေရှင်းခိုင်းဖို့ သတိ

ဧည့်သည်တွေက တစ်ခါတရံ နိုင်ငံခြားသား အလုပ်လုပ်နေတဲ့သူတွေကို ရွေးပြီးပြသနာရှာတတ်ပါတယ်။
ကျနော်တို့တွေက ကြောက်တတ်သည်သာမက ဂျပန်စကားလည်း သူတို့လူမျိုးလောက်တော့ ကျွမ်းကျင်မှုမရှိနိုင်ကြပါ။
ဒါကို အခွင့်အရေးယူတတ်သည့် ဧည့်သည်များလည်းရှိသည်ကို သတိထားစေချင်ပါတယ်။
クレーム အပြောခံရပါက အရင်ဦးဆုံးတောင်းပန်ပါတယ်ပြောပြီး၊
ဧည့်သည်ပြောလာသည့်စကားကို နောက်တစ်ခေါက်ပြန်ပြောကာ
ဧည့်သည်နာမည်မေးပြီး ခဏစောင့့်ပါ စစ်ဆေးလိုက်ပါဦးမည် သို့ အထက်လူကြီးကို သွားခေါ်လိုက်ပါဦးမည် စသည်ဖြင့် သေသေချာချာရှင်းပြပြီးလုပ်ရှားမှုပြုလုပ်ပါရန်။

ဂျပန်လူမျိုးကို ဖြေရှင်းခိုင်းခြင်းက အချိန်ပိုင်းအလုပ်လုပ်နေသော ကျောင်းသားများအတွက်ကတော့ အကောင်းဆုံးဖြစ်မည်ဟု ထင်မြင်မိပါသည်။

Ⅲ.クレーム နှင့်ပတ်သတ်ပြီးဂျပန်လူမျိုးတွေရဲ့ အမြင်

ဒီအကြောင်းအရာနှင့် ပတ်သက်ပြီး ဂျပန်လူမျိုးတို့အပေါ် လေးစားစရာက
မိမိမှားပါက တဖက်သားကျေနပ်လောက်သည်အထိ ခါးညွှတ်ပြီး တလေးတစား တောင်းပန်တတ်ခြင်းပဲဖြစ်ပါသည်။

▲သူတို့သည် အပြစ်ပြောလာသောဧည့်သည်အိမ်အထိသွား၍ ပစ္စည်းအစားပို့ပေးသည်အထိလုပ်ပေးလေ့ရှိကြပါသည်။

နောက်တစ်ခု သူတို့ခံယူထားတာက
အပြစ်ကို တကူးတကလာပြောပေးတဲ့ ဧည့်သည်ကို ကျေးဇူးတင်သင့်ကြောင်း ခံယူထားပါသည်။

မပြောဘဲနေပြီး မိမိဆိုင်ကို နောက်မသုံးတော့မည့်အစား
မိမိဆိုင်၏ အားနည်းချက်ကို တကူးတက လာ၍ဖြစ်စေ၊ဖုန်းဖြင့်ဖြစ်စေ ပြောပေးသော ဧည့်သည်ကို
ဆိုင်မှ အကြီးအကဲများအနေဖြင့် ကိုယ်တိုင်သောလည်းကောင်း ဖုန်းဖြင့်သော်လည်းကောင်း ကျေးဇူးတင်ကြောင်းလည်း ပြောလေ့ရှိကြပါတယ်။

သူငယ်ချင်းတို့လည်း အကောင်းဆုံးဖြေရှင်းနိုင်ပါစေ။

Ever Smile

Author Profile

Ever Smile
Ever Smile
☺️ဂ်ပန္မွာ ေနထိုင္စဥ္မွာ ၾကဳံေတြ႕ရတဲ့ အေတြ႕အၾကဳံ အခက္အခဲမ်ားႏွင့္ သာယာေပ်ာ္ရႊင္စရာမ်ားကို
ဂ်ပန္နဲ႔ပတ္သတ္တဲ့ သူမ်ားအားလုံး သိရွိနားလည္ေစေသာ ေစတနာျဖစ္ သိထားသေလာက္ ဗဟုသုတေလးမ်ားကို ေဝမၽွပါရေစေနာ္။😁
ကိုယ္တတ္စြမ္းသေလာက္ ဂ်ပန္ျမန္မာ ေပါင္းကူးတံတားတစ္စင္းအျဖစ္ တာဝန္ထမ္းေဆာင္ခ်င္ပါတယ္☺️
🍀🍀🍀