အစမ်းခန့်ကာလ

■EM

【Zawgyi】          Unicode Font ဖြင့်ဖတ်ရန်(စာပေါ်နှိပ်ပါ)

ဂျပန်လိုတော့ 試用期間(しようきかん)လို့ခေါ်ပါတယ်။

ဂျပန်ကုမ္ပဏီမှာ အမြဲတမ်းဝန်ထမ်းအဖြစ် အလုပ်ဝင်တဲ့အခါ အမြဲတမ်းဝန်ထမ်းမဖြစ်ခင် အစမ်းခန့်ကာလအဖြစ် ၁လမှ ၆လအထိ သတ်မှတ်လေ့ရှိပါတယ်။အများဆုံး ၁နှစ်ပါတဲ့နော်။

ဂျပန်ဥပဒေအရ အလုပ်ခန့်တဲ့အခါ ကုမ္ပဏီ x ဝန်ထမ်းနှစ်ဦးနှစ်ဖက်

雇用契約書(こようけいやくしょ)ဆိုတဲ့အလုပ်ခန့်အပ်ကြောင်းစာချုပ်ချုပ်ဆိုရပါတယ်။

စာချုပ်ထဲမှာ အလုပ်တာဝန်၊နေရာ၊လစာ တို့အပြင် “အစမ်းခန့်ကာလ“ဟု ဖော်ပြထားတာရှိပါတယ်။

(※အမြဲတမ်းဝန်ထမ်း၊ကုမ္ပဏီဝန်ထမ်းသာ သက်ဆိုင်သောအကြောင်းအရာဖြစ်ပါတယ်)

အစမ်းခန့်ဆိုတော့ ?? အမြဲတမ်းဝန်ထမ်းဖြစ်ဖို့ ဘာတွေဂရုစိုက်ဖို့လိုသလဲ။

(၁)အစမ်းခန့်ကာလအတွင်း  ကုမ္ပဏီဘက်မှ မကြိုက်ရင် အမြဲတမ်းဝန်ထမ်းမခန့်တော့ဘူးလား??

(၂)  ဝန်ထမ်းဘက်မှ မကြိုက်ရင် ထွက်လိုက်လို့ရလား??

ဆိုတဲ့အကြောင်းနှင့် ပတ်သက်ပြီး အနည်းငယ်မျှဝေချင်ပါတယ်။

အစမ်းခန့်ကာလဟာ

အမြဲတမ်းဝန်ထမ်းမဖြစ်ခင် ကုမ္ပဏီနှင့် ကိုက်ညီမှုရှိမရှိ၊ အလုပ်တက်ရောက်မှု၊စွမ်းရည် စသည်ကို စစ်ဆေး၊အမှတ်ပေးတဲ့ကာလဖြစ်ပါတယ်။

အစမ်းကာလပြီးလို့ အမြဲတမ်းဝန်ထမ်းခန့်အပ်တာကိုတော့ 本採用(ほんさいよう)လို့ခေါ်ပါတယ်။

本採用မှာလည်း ခန့်အပ်ကြောင်း အသိပေးစာရွက်ပေးလေ့ရှိပါတယ်။


ဒီကာလမှာ အများစိတ်ပူတတ်တာလေးက
(၁) အစမ်းကာလမှာ ကုမ္ပဏီဘက်မှ မကြိုက်ရင် အမြဲတမ်းဝန်ထမ်းမခန့်တော့ဘူးလား။

*ကုမ္ပဏီဘက်မှ အကြောင်းပြချက် ခိုင်လုံမှုမရှိဘဲ အလုပ်ဖြုတ်လို့မရပါဘူး(ကိုးကား – 労働契約法16条:Labor Contracts Act, Article 16)။

အစမ်းကာလပြီးနောက် အမြဲတမ်းဝန်ထမ်းဆက်မခန့်ဘူးဆိုတာက အလုပ်ဖြုတ်တာနဲ့အတူတူပါပဲတဲ့။

ဆီလျော်မှုမရှိတဲ့ အကြောင်းပြချက်၊လူမှုရေးနယ်ပယ်အနေနှင့် ကျိုးကြောင်းမမျှတတဲ့အကြောင်းပြချက်နှင့် အလုပ်ဖြုတ်လို့မရပါဘူး။

ဥပမာ – “မင်းက ငါတို့ကုမ္ပဏီနှင့် မကိုက်ညီလို့ အမြဲတမ်းဝန်ထမ်းမခန့်ပါ” “မင်းက ငါတို့မျှော်လင့်ထားသလို မဟုတ်လို့”ဆိုတာမျိုးပြောပြီး မခန့်ရင်

ဒါဟာ မရေရာမသေချာတဲ့အကြောင်းပြချက်ဖြစ်ပါတယ်။

သူတို့မျှော်လင့်ထားသလို ဖြစ်မလာလို့ ဆိုရင်၊ ယခင်အလုပ်စာချုပ်မှာကတည်းက လိုအပ်တဲ့အရည်အချင်းတွေကို သေချာဖော်ပြထားရပါမယ်။

စာချုပ်မှာ – “စွမ်းရည်အပေါ်မူတည်ပြီး အစမ်းခန့်ကာလ ပိုတိုးဖို့ ရှိသည်” “~~~အချက်တွေနှင့် မကိုက်ညီပါက အမြဲတမ်းဝန်ထမ်းမခန့်အပ်ပါ” စသဖြင့် ဖော်ပြထားရပါမယ်။

ဖော်ပြမထားဘဲ ပြောလာရင် လက်မခံနိုင်စရာပါ။

ဒါပေမယ့် အောက်ပါအကြောင်းပြချက်မျိုးဆိုရင်တော့ ဘာမှမတတ်နိုင်ပါဘူး။

၁။ အလုပ်တက်ရောက်မှု ရာခိုင်နှုန်း မပြည့်မီခြင်း၊အလုပ်ချိန်အမြဲနောက်ကျခြင်း။
၂။ ၃ကြိမ်နှင့်အထက် ခွင့်မဲ့ပျက်ကွက်ခြင်း
၃။ လွန်ကဲသော ရိုင်းပြကြမ်းတမ်းတဲ့ အပြုအမူများပြုမှုပြောဆိုခြင်း၊(လက်မခံနိုင်လောက်တဲ့အခြေအနေ)
၎။ CV form မှာ လိမ်လည်ရေးသားထားခြင်း
ပြောမယ်ဆို ဝန်ထမ်းဘက်က အမှားပေါ့နော်။

တစ်ခုပဲ မှတ်ထားသင့်တာက မဆီလျော်တဲ့အကြောင်းပြချက်ဖြင့် ကုမ္ပဏီဘက်မှ ထွက်ပါလို့ ပြောခွင့်မရှိပါဘူး။(ဒါပေမယ့် black list ကုမ္ပဏီတွေကတော့ တစ်မျိုးပေါ့နော်)


(၂) အစမ်းကာလအတွင်း ဝန်ထမ်းဘက်မှ မကြိုက်ရင် ထွက်လိုက်လို့ရတာလား။

ဝန်ထမ်းဘက်မှ ထွက်ချင်လျှင်လည်း ခိုင်လုံတဲ့အကြောင်းပြချက်နှင့်တကွ တင်ပြရပါတယ်။အထူးတလည် ကန့်သတ်ချက်တော့ မရှိပါဘူး။
အနည်းဆုံး မထွက်ခင် ၂ပတ်ကြိုတင်ပြီး အကြောင်းကြားရပါတယ် (ကုမ္ပဏီအလိုက် ၁လကြိုတင်ပြောရတာလည်း ရှိ)။


အစမ်းကာလမှာ အရေးကြီးဆုံးက ကြိုးစားမှုပါပဲနော်။ကိုယ့်တာဝန်ကိုယ်ယူရပါတယ်။

ဒီနေ့ ပြောပြချင်တာက

ကျွန်မတို့ဟာ ပြည်ပနိုင်ငံမှာ ဗီဇာပြဿနာတွေ၊ ဥပဒေအရ တားမြစ်ထားတာတွေ အများကြီး ကြုံတွေ့ရပါတယ်။
အစမ်းခန့်ကာလပြီးသွားလို့ မခန့်တော့ဘူးဆိုပြီး ပြောလာရင် ချက်ချင်း အလုပ်သစ်ရှာဖို့က မလွယ်ပါဘူး။

ဂျပန်ကုမ္ပဏီတိုင်း အကောင်းချည်းမဟုတ်သလို၊ အဆိုးကြီးလည်း မဟုတ်ပါဘူး။ ဆိုးတဲ့ကုမ္ပဏီဆိုရင် black list ဝင်နေပြီး၊ ブラック企業လို့ကို အမည်တွင်နေတာပါ။
စာချုပ်ချုပ်ဆိုထားရင် ကုမ္ပဏီဖက်မှာ တစ်စုံ၊ကိုယ့်ဆီမှာ တစ်စုံရှိပြီး ပြဿနာဖြစ်လာရင် ထောက်ပြပြောဆိုလို့ရပါတယ်။

ဒါ့ကြောင့် စာဖတ်သူငယ်ချင်းတို့ စာချုပ်ပါအချက်အလက်တွေကို သေချာဖတ်ရှုပါ။ကုမ္ပဏီကို သေချာလေ့လာပါလို့။

အဆင်ပြေပါစေ။

Author Profile

EM
EM
မိတ်ဆွေတို့ ပြုံးပျော်နိုင်စေရန် ဂျပန်အကြောင်းရေးသားတင်ဆက်လိုက်ပါတယ်။
🌼🌼🌼🌼🌼
ရွှေမန္တလေးမှလာပြီး တိုကျိုမှာ အလုပ်လုပ်နေပါတယ်။ သိမှတ်ရသမျှ ဝေမျှပေးသွားပါမယ်ရှင်။
🌸🌸🌸🌸🌸
Writer & Editor at Working Friends
よろしくお願いします🤗