ဂ်ပန္တြင္ေနထိုင္ေရး အဆင္ေျပေစဖို႔

●ရပ်ကွက်နေထိုင်မှုလမ်းညွှန်စာအုပ်တွေထားထားပါတယ်။ အဲစာအုပ်ထဲမှာ ဘာတွေပါသလဲဆိုရင်တော့ အရေးပေါ်ကားခေါ်ဆိုနည်းနဲ့ဖုန်းနံပါတ်တွေရေးထားပါတယ်။ အကယ်၍ သင်နှင့် သင့်ပတ်ဝန်းကျင်မှာ လူတစ်ယောက်ယောက် အရေးပေါ်အခြေအနေဖြစ်နေပါက ထိုကားကိုခေါ်ဆိုလို့ရပါတယ်။ ကားခပေးစရာမလိုပါဘူး။ သူတို့က ဘာကိစ္စအရေးပေါ်လဲ လို့မေးပါလိမ့်မယ် လူနာလား မီးလောင်တာလား စသည်ဖြင့်ပေါ့။ အခြေအနေကို သေသေချာချာ ရှင်းပြပြီး နေရာလိပ်စာကို သေသေချာချာ ပြောပြနိုင်ရပါမယ်။

●ငလျင်လှုပ်ခြင်း၊ မီးလောင်ခြင်း၊ ရေကြီးခြင်း စသည့်အရေးပေါ်အခြေအနေမှာ ဘေးရှောင်နေရာ၊ ဘယ်နေရာသို့ ခေတ္တရှောင်ရမည်ကို စာအုပ်တွင် သေသေချာချာရေးထားပါတယ်။ ပန်းခြံလိုနေရာတွေ၊ ကျောင်းတွေကို ရှောင်ကြရတာများပါတယ်။

●နောက်တစ်ခုက ကျတော်တို့လို နိုင်ငံခြားသားတွေအတွက် ဂျပန်စာအခမဲ့သင်လို့ရတဲ့နေရာတွေကိုလည်း လမ်းညွှန်ထားပါတယ်။

●နောက်ပြီးမိမိနေထိုင်တဲ့ ရပ်ကွက်အလိုက်အမှိုက်သိမ်းတဲ့ နေ့တွေ၊ အမှိုက်ကို ဘယ်အမျိုးအစားအလိုက်ခွဲပစ်ရမယ်ဆိုတာတွေကို လည်းလမ်းညွှန်ထားပါတယ်။ အခကြေးငွေပေးပြီးမှ စွန့်ပစ်လို့ရတဲ့ ပစ္စည်းတွေ ဥပမာ-ရေခဲသေတ္တာ ဆို ဘယ်လောက်တန် 粗大ゴミSodaigomi လက်မှတ်ကပ်ပြီးပစ်ရမယ် စသည်ဖြင့်ပေါ့နော်။ မိမိဝယ်လိုသော အမှိုက်ပစ်လက်မှတ်ကို မိမိနေထိုင်တဲ့ရပ်ကွက် စတိုးဆိုင်တွေမှာဝယ်ပြီးပစ်ရပါတယ်။ တခြားရပ်ကွက်က စတိုးဆိုင်က အမှိုက်ပစ်လက်မှတ်က သုံးလို့ မရပါဘူးနော်။

●ရပ်ကွက် ဆေးရုံဆေးခန်းများကိုလည်း လမ်းညွှန်ထားပါတယ်။

●ရပ်ကွက်အလိုက် စက်ဘီးငှားလို့ရတဲ့နေရာတွေလည်း ဖော်ပြထားတာ ရှိပါတယ်။ ●စာကြည့်တိုက်နေရာ၊ အားကစားရုံနေရာတွေလည်း စုံစမ်းလို့ရပါတယ်။

●ဂျပန်နိုင်ငံကို ရောက်ရှိပြီးနောက် ရပ်ကွက်ရုံးတွင် နေထိုင်ခွင့် စာရင်းသွင်းခြင်း၊ My Numberကဒ်၊ ပင်စင်ကဒ်၊ ကျန်းမာရေးကဒ်စသည်တို့ စာရင်းသွင်းခြင်း။

●နောက်တစ်ခုက ရပ်ကွက်(Ku) ကတော့ တူပေမယ့် အိမ်လိပ်စာ ပြောင်းပါက ရပ်ကွက်ရုံးတွင် သွားရောက် လျှောက်ထားခြင်းများ ပြုလုပ်ရပါမယ်။ လိပ်စာမပြောင်းထားပါက ကျနော်တို့ယခင်နေထိုင်ရာလိပ်စာကိုပဲ ရပ်ကွက်ဌာနဆိုင်ရာမှာ စာရွက်စာတမ်းများရောက်နေမည်ဖြစ်ပါတယ်။

●ရပ်ကွက်ရုံးတွင် လိပ်စာပြောင်းရုံသာ မဟုတ်ဘဲ မိမိတခြားဘဏ်၊ ဖုန်းဆိုင် စသည်တို့တွင်လည်း လိပ်စာပြောင်းသင့်ပါတယ်။

●တခြားရပ်ကွက်ကို အိမ်ပြောင်းမည်ဖြစ်စေ၊ မတူတဲ့ မြို့ကိုအိမ်ပြောင်းမည်ဆိုပါက အရင်ဆုံးမိမိနေထိုင်နေသော ရပ်ကွက်မှ အိမ်ပြောင်းမည့် ထွက်စာ သွားရောက်ယူဆောင်ထားရပါမည်။ လိပ်စာအသစ်ကိုလည်း စာရင်းသွင်းမှာဖြစ်လို့ သိထားဖို့လိုပါတယ်။

●နောက်တစ်ခုက ဂျပန်နိုင်ငံမှ တစ်နှစ်ကျော်ထွက်ပြီးအခြားနိုင်ငံတွင် နေထိုင်မည့်အခါတွင်လည်း အကြောင်းကြားထားဖို့ လိုပါတယ်။

●အိမ်ထောင်စု ပြောင်းပါကလည်း ရပ်ကွက်ရုံးမှာ စာရင်းသွင်းရပါမယ်။ကလေးမီးဖွားပြီးပါကလည်း ရပ်ကွက်ရုံးမှာ စာရင်းသွင်းရပါတယ်။